Noites Abertas é un proxecto do Concello de Pontevedra que se presenta como unha alternativa de ocio na que se desenvolven diferentes obradoiros, todos eles de balde. O obradoiro de graffiti, impartido por grafiteiros locais, conta cunha parte teórica na que se explican os trazos máis relevantes da historia do graffiti así como as diferentes técnicas e estilos, e cunha parte práctica, na que os asistentes teñen a oportunidade de probar o difícil manexo do spray. Como actividade final, os participantes aplican os coñecementos adquiridos nun dos muros das pistas de Campolongo, cedido polo concello para tal fin.