Ofrecer unha definición do termo graffiti non é tarefa doada. Con todo, os traballos de investigación requiren determinadas conceptualizacións para aboradar o obxecto de estudo, de aí que no meu artigo escribise o seguinte: "O graffiti, como manifestación artística, ten unha base meramente gráfica. Nesta liña, e atendendo ó nacemento do graffiti como expresión artística, entendemos o graffiti como aquel procedemento de distorsión gráfica que leva consigo unha serie de implicacións estéticas relacionadas con trazos cromáticos e formais caracterizados pola súa maior ou menor ilexibilidade (...) Á marxe da cuestión gráfica, existe unha modalidade de graffiti denominada graffiti mural. Esta práctica artística consiste na reprodución de modelos extraídos de diferentes  realidades culturais e artísticas, da imaxinería colectiva ou da imaxinería individual do propio artista. (García, 2014:133-114)​.

 

Así pois, pretendo poñer de manifesto que o graffiti non só abarca letras, senón tamén composicións figurativas e todas elas forman parte do seu discurso artístico. Con todo, o feito de que exista certa indeterminación terminolóxica arredor do termo non debe implicar un uso desfasado do mesmo, por iso, considero que é tan importante saber o que é graffiti como o que non é. Por tanto, e sen querer estenderme máis en cuestións taxonómicas e teóricas, goza coas galerías!